མི་རིགས་རང་སྐྱོང་ས་ཁུལ་དུ་རིགས་སོ་སོའི་སྤྱི་དམངས་ཀྱིས་རང་ཉིད་ཀྱི་སྐད་ཡིག་ལ་བརྟེན་ནས་གཏུག་བཤེར་བྱེད་ཆོག་པའི་ཐོབ་ཐང་ནི་རྩ་ཁྲིམས་ཀྱིས་མི་རིགས་སོ་སོའི་སྤྱི་དམངས་ལ་བསྩལ་བའི་ཐོབ་ཐང་གལ་ཆེན་ཞིག་ཡིན་ཕྱིན། མི་རིགས་ས་ཁོངས་རང་སྐྱོང་ཁྲིམས་དང་ཉེས་དོན་གཏུག་བཤེར་ཁྲིམས་ལ་སོགས་པའི་གཞི་རྩའི་རང་བཞིན་ཅན་གྱི་ཁྲིམས་ལུགས་ཁག་གིས་ཐོབ་ཐང་དེ་ནན་ཏན་གྱིས་གཏན་དབབ་བྱས་པས་མི་ཚད་། རྒྱལ་སྲིད་སྤྱི་ཁྱབ་ཁང་གིས་ཁྱབ་བསྒྲགས་བྱས་པའི་རྒྱལ་ཁབ་ཀྱི་འགྲོ་བ་མིའི་ཐོབ་ཐང་གི་འཆར་གཞི་ཞེས་བྱ་བའི་ནང་དུའང་གྲངས་ཉུང་མི་རིགས་ཀྱིས་རང་གི་སྐད་ཡིག་བཀོལ་སྤྱོད་བྱས་ཏེ་གཏུག་བཤེར་བྱེད་ཆོག་པའི་ཐོབ་ཐང་ལ་སྲིད་གཞུང་གིས་ཁག་ཐེག་བྱ་དགོས་ཞེས་གཏན་ལ་འཁེལ་ཡོད། གཙོ་འཛིན་ཞི་ཅུན་ཕུན་གྱིས་ཏང་གི་ཚོགས་ཆེན་བཅོ་བརྒྱད་པའི་ཚང་འཛོམས་ཚོགས་འདུ་གསུམ་པའི་སྟེང་འགྲོ་བ་མིའི་ཐོབ་ཐང་གི་འགན་སྲུང་ལམ་ལུགས་འཐུས་ཚང་དུ་བཏང་སྟེ་རྒྱལ་ཁབ་ཀྱིས་འགྲོ་བ་མིའི་ཐོབ་ཐང་ལ་བརྩི་བཀུར་དང་ཁག་ཐེག་བྱེད་རྒྱུ་ཡིན་ཞེས་ཀྱང་བཤད་ཡོད་མོད། འོན་ཀྱང་མཚོ་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་བའི་མི་དམངས་འཐུས་མི་ཚོགས་ཆེན་གྱིས་གོང་གི་ཁྲིམས་ལུགས་དང་གཙོ་འཛིན་གྱི་ལམ་སྟོན་འདི་དག་བོང་བུའི་རྣ་བར་གསེར་བླུགས་ཀྱང་ཐབ་ཐབ། བྱེ་མ་བླུགས་ཀྱང་ཐབ་ཐབ་ལྟར་བཞག་སྟེ་དོ་སྣང་ཡེ་ནས་མི་བྱེད། དེ་གང་གིས་མཚོན་ཞེ་ན། ༢༠༢༠་ལོའི་ཟླ་དང་པོའི་ཚེས་༡༠་
ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ། ཀྲུང་གོ་ནི་མི་རིགས་དང་།སྐད་རིགས།ཡིག་རིགས་མང་བའི་རྒྱལ་ཁབ་ཅིག་ཡིན་ལ།གྲངས་ཉུང་མི་རིགས་༥༥་ཡི་ཁྲོད་དུ་ཁ་ཆེའི་རིགས་ཀྱིས་སྔར་ནས་རྒྱའི་སྐད་ཡིག་སྤྱོད་པ་དང་མན་ཇུའི་རིགས་ཀྱིས་ད་ལྟ་རྒྱ་ཡིག་སྤྱོད་པ་ཕུད།མི་རིགས་གཞན་པ༥༣་ལ་ཚང་མར་རང་གི་སྐད་རིགས་ཡོད།བཅིངས་འགྲོལ་མ་བཏང་བའི་སྔོན་ལ་མི་རིགས་༢༡་ལ་རང་གི་ཡི་གེ་ཡོད། ཀྲུང་གོ་གསར་བ་དབུ་བརྙེས་རྗེས།ཀྲུང་གོ་སྲིད་གཞུང་གིས་མི་སྟོང་ལྷག་ལ་ཉེ་བའི་སྐད་བརྡའི་བརྟག་དཔྱད་ཚོགས་པ་ཞིག་བཙུགས་ཏེ་རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས་༡༦་ཏུ་གཞི་རྒྱ་ཆེ་བའི་སྒོ་ནས་་གྲངས་ཉུང་མི་རིགས་སྐད་ཡིག་ལ་བརྟག་དཔྱད་བྱེད་པའི་ལས་ཀ་སྤེལ་ཞིང་།གྲངས་ཉུང་མི་རིགས་སོ་སོའི་སྐད་ཡིག་གི་རྩ་བའི་གནས་ཚུལ་ལ་རྒྱས་ལོན་ཐུབ་པ་བྱུང་།རྨང་གཞི་འདིའི་སྟེང་དུ།དངོས་ཡོད་གནས་ཚུལ་དང་བསྟུན་ཏེ་མི་རིགས་འདྲ་མཉམ་དངོས་མཚོན་ཐུབ་པའི་གྲངས་ཉུང་མི་རིགས་སྐད་ཡིག་གི་སྲིད་ཇུས་གཏན་ལ་ཕབ་ཡོད་དེ།གཙོ་བོ་གཤམ་གྱི་ཕྱོགས་འདི་དག་ཡིན།
རྩ་ཁྲིམས་ཀྱི་དོན་ཚན་༡༣༤་བ་ལས། རིགས་སོ་སོའི་སྤྱི་དམངས་ལ་རང་གི་སྐད་ཡིག་བཀོལ་སྤྱོད་བྱས་ཏེ་གཏུག་བཤེར་བྱེད་པའི་ཐོབ་ཐང་ཡོད། མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་སྤྱི་སྤྱོད་སྐད་ཡིག་མི་ཤེས་པའི་གཏུག་བཤེར་ཞུགས་མི་དག་ལ་ངེས་པར་དུ་ལོ་ཙཱ་བའམ་སྐད་སྒྱུརབ་་མཁོ་སྤྲོད་བྱེད་དགོས། གྲངས་ཉུང་མི་རིགས་འདུས་བསྡོད་དང་ཡང་ན་མི་རིགས་མང་པོ་མཉམ་གནས་ཀྱི་ས་ཁུལ་དུ་ངེས་པར་དུ་ས་ཁུལ་དེའི་སྐད་ཡིག་ལ་བརྟེན་ནས་ཁྲིམས་བཤེར་བྱས་ཏེ། ཞིབ་དཔྱོད་གཏུག་ཡིག་དང་། བཅད་ཁྲ་དང་བརྡ་སྦྱོར་ལ་སོགས་པའི་ཁྲིམས་ཡིག་དག་ཀྱང་དངོས་ཡོད་ཀྱི་དགོས་མཁོ་ལ་གཞིགས་ཏེ་ངེས་པར་དུ་ས་གནས་དེ་གའི་སྐད་ཡིག་གཅིག་གམ་དུ་མ་བཀོལ་སྤྱོད་བྱེད་དགོས།
དྲ་གྲོགས་ལྷན་རྒྱས། ང་ཁྲིམས་གླེང་གི་རྩོམ་སྒྲིག་པ་སྒྲོལ་མ་སྐྱབས་ཡིན། དེང་སྐབས་ས་གནས་སྲིད་གཞུང་གིས་ཁྲིམས་འགལ་གྱིས་མང་ཚོགས་ཀྱི་ལག་གི་ས་ཞིང་ལེན་པའམ། ཁྲིམས་མཐུན་གྱིས་བླངས་ནའང་ཚད་ལྡན་གྱི་གུན་གསེབ་མི་སྤྲོད་པའི་གནད་དོན་གང་མང་བྱུང་བཞིན་འདུག་པ་འདི་ལ་དམིགས་ཏེ། མང་ཚོགས་ཀྱི་ས་ཞིང་གི་ཐོབ་ཐང་དང་། སྲིད་གཞུང་གིས་ཞིང་ས་སྡུད་པའི་ཁྲིམས་མཐུན་གྱི་བརྒྱུད་རིམ་དང་རྒྱུ་མཚན། དེ་བཞིན་དུ་ས་ཞིང་གཞུང་སྡུད་བྱེད་པའི་སྦྱོར་དངོས་རྗེས་གསུམ་གྱི་ཁྲོད་དུ་མང་ཚོགས་ཀྱིས་ཇི་ལྟར་འབད་བརྩོན་བྱས་ཏེ་ས་ཞིང་་གཞུང་གི་ལག་ཏུ་ཤོར་དུ་མི་འཇུག་པ་དང་། ཡང་ན་ཤོར་བའི་དབང་དུ་བཏང་ཡང་ས་ཞིང་ལ་གན་ཚབ་འོས་འཚམ་ལྡན་པ་ལེན་དགོས་པའི་ཁྲིམས་ལུགས་ཀྱི་གནད་དང་། ༢༠༡༩་ལོར་ས་གཞི་དོ་དམ་གྱི་ཁྲིམས་ལ་འཕར་བཅོས་བྱས་ཏེ་གཞུང་གིས་མང་ཚོགས་ཀྱི་ས་ལེན་ན་བརྒྱུད་རིམ་གང་དག་བརྒྱུད་པ་དགོས་པ། དེ་དང་འབྲེལ་བའི་དངོས་བྱུང་གི་གྱོད་དཔེ་གསུམ་གྱིས་ཤན་སྦྱར་ཏེ་སྐད་ཆ་མདོར་བསྡུས་བཤད་པར་བྱ།
མི་རིགས་བར་དུ་དགྲར་འཛིན་དང་ཁྱད་གསོད་དབྱེ་འབྱེད་ལ་ངན་བསྐུལ་གྱི་ཉེས་སྤྱོད་( 煽动民族仇恨、民族歧视 )ཀྱི་ངོ་བོ་ནི་གང་ཟག་དང་ཚོགས་པ་གང་རུང་གིས་བསམ་པ་ཤེས་བཞིན་གྱིས་བརྗོད་བྱེད་ཀྱི་རྣམ་པ་གང་རུང་གིས་མི་རིགས་དང་མི་རིགས་བར་ལ་དཀྲུགས་ཤིང་དང་སྡང་ཟུག་སློང་ངེས་པའི་བརྗོད་བྱ་མངོན་སུམ་འཛེམ་མེད་ཀྱིས་སྤེལ་སྟེ་མི་རིགས་ཕན་ཚུན་དབར་དགྲར་འཛིན་འཁོན་འཛིན་གྱི་འབྲས་བུ་འབྱུང་བ་ལ་བསྐུལ་སློང་བྱས་པའམ། མི་རིགས་གང་རུང་ཞིག་གི་སྐད་ཡིག་འདུས་པའི་རིག་གནས་དང་ལོ་རྒྱུས་དང་གོམས་སྲོལ་སོགས་ལ་ཆེད་དུ་དམིགས་ཏེ་ཁྱད་དུ་བསད་པ་དང་བརྙས་བཅོས་སྐུར་འདེབས་སོགས་བྱས་ཏེ་མི་རིགས་མཐུན་སྒྲིལ་དང་འདྲ་མཉམ་ལ་མངོན་གྱུར་ཡོང་བ་ལ་བཀག་འགོག་བར་ཆད་བཟོས་པ། དམའ་འབེབས་ཐེབས་པའི་མི་རིགས་དེའི་བྱིངས་ཀྱི་ཆེ་མཐོང་ངམ་ལ་རྒྱ(尊严)ལ་གནོད་དེ་སེམས་ལ་མི་བཟོད་པའི་ཞེ་སྡང་དང་ཡི་མུག་པའི་སྡུག་བསྔལ་བསྐྱེད་པ། ཏང་དང་རྒྱལ་ཀབ་ཀྱི་མི་རིགས་སྲིད་ཇུས་དང་ཁྲིམས་ལུགས་ལ་བསྐུར་བ་བཏབས་ནས་དེ་དག་ལག་ལེན་དུ་བསྟར་བ་ལ་གནོད་པ། གང་སྤེལ་བའི་བརྗོད་བྱ་ངན་པ་དེ་དྲ་ཐོག་ཏུ་བསྣུན་གྲངས་༥༠༠༠་བརྒལ་བའམ་
བོང་སྟག་མུ་རི་རྩ་ཐང་དུ་ཁྲིམས་འགལ་གྱིས་རྡོ་སོལ་བསྔོགས་པའི་དོན་རྐྱེན་དེ་རྒྱལ་ཡོངས་ཀྱིས་ཐེར་འདོན་བྱས་དང་བྱེད་བཞིན་པའི་སྐབས་འདིར། ང་ཚོས་མངོན་གསལ་དུ་ཤེས་ཚོར་བྱུང་ཐུབ་པའི་དོན་དག་གཅིག་ནི་མཚོ་སྔོན་ཞིང་ཆེན་མི་དམངས་སྲིད་གཞུང་དང་ཏང་ཨུ་གཉིས་ཀྱིས་རྒྱལ་ཁབ་ཀྱི་ཁོར་ཡུག་སྲུང་སྐྱོབ་ཀྱི་ཁྲིམས་དང་གཙོ་འཛིན་ཞི་ཅིན་ཕིན་གྱིས་མཚོ་སྔོན་ཞིང་ཆེན་གྱི་ཆེས་ཆེ་བའི་རིན་ཐང་ནི་སྐྱེ་ཁམས་ཡིན་པ་དང་ཆེས་ཆེ་བའི་འགན་ཁུར་ནི་སྐྱེ་ཁམས་ཡིན་པ། ཆེས་ཆེ་བའི་བག་ལ་ཉལ་བའི་སྟོབས་ཤུགས་དེ་ཡང་སྐྱེ་ཁམས་ཡིན་ཞེས་པའི་ཆེས་ཆེ་བ་གསུམ་ལྡན་གྱི་ལམ་སྟོན་ཟབ་མོ་བཅས་ལ་ངེས་ཟིན་མ་རྙེད་པའི་དབང་གིས་ཁྲིམས་དང་ལམ་སྟོན་དེ་དག་དངོས་སམ་བརྒྱུད་པའི་སྒོ་ནས་བློ་བསམ་རྦད་ཆོད་ཀྱིས་ལག་བསྟར་མ་བྱས་པའི་ཉེས་སྐྱོན་ཆེན་མོས་མཚོ་སྔོན་བོད་ཁུལ་གྱི་སྣོད་བཅུད་ལ་གོད་ཆག་འདི་རིགས་བྱུང་བ་དེ་རེད།
དེང་སང་རོང་འབྲོག་ས་ཁུལ་མང་པོ་ཞིག་ཏུ་གཞུང་དང་གཞུང་འབྲེལ་ལས་ཁང་གིས་རོང་འབྲོག་པ་ལ་དབང་བའི་ས་ཞིང་དང་ཁང་ཁྱིམ་སོགས་སུ་གློག་སྡོང་དང་བརྡ་རྟགས་ལྕགས་སྡོང་སོགས་བཙུགས་ཏེ་ཞིང་བ་དང་འབྲོག་པའི་ཐོབ་ཐང་ལ་མངོན་ལྐོག་གཉིས་ནས་གནོད་པ་སྐྱེལ་དང་བསྐྱལ་བཞིན་ཡོད། རོང་འབྲོག་པའི་ས་ཞིང་གི་སྟེང་དུ་བརྟན་འཇགས་ཀྱི་འཛུགས་བསྐྲུན་བྱེད་དགོས་ན་ཐོག་མར་དེའི་ས་ཞིང་ལ་ཚུལ་མཐུན་གྱིས་གུན་གསབ་སྤྲད་ནས་གཞུང་སྡུད་བྱེད་དགོས་ཤིང་། ཆོ་ག་འགྲོ་ལུགས་དེ་དག་མ་བརྒྱུད་པར་རང་འདོད་ཀྱིས་
གླེང་གཞི། ལོ་ཁ་ཤས་ཀྱི་སྔོན་ལ་ངས་ཁྲིམས་གླེང་གི་དྲི་བ་དྲིས་ལན་གྱི་ལས་ཚན་ཐོག་མར་སྤེལ་དུས། མདོ་སྨད་རེབ་གོང་ཕྱོགས་ཀྱི་རྫོང་ག་གེ་མོའི་འབྲོག་པ་ཞིག་གིས་ང་ལ་སྐད་ཕྲན་བརྒྱུད་དེ་ཁོང་གི་ལོ་བཅུ་གཅིག་ལོན་པའི་བུ་མོ་དེ་བཅའ་སྡོད་སློབ་གྲྭའི་ནང་དུ་སློབ་གྲྭའི་གཞོན་ནུ་ལོ་བཅུ་གསུམ་དང་བཅུ་བཞི་ཅན་ལོན་པ་གསུམ་གྱིས་རེས་མོས་ཀྱིས་བཙན་གཡེམ་བྱས་པས་དེ་ལ་ཁྲིམས་ལུགས་ཀྱིས་ཇི་ལྟར་ཐག་བཅད་ཡོད་པ་དང་། སློབ་གྲྭ་དང་རྫོང་གི་སློབ་གསོ་ཅུའུ་དང་ཉེན་རྟོག་ལས་ཁུངས་བཅས་ཀྱིས་ཁ་བཅས་ཏེ་གནས་ཚུལ་དེ་ཁྱབ་བརྡལ་དུ་འགྲོ་མི་རུང་བའི་བཙན་བཀའ་གསང་བའི་སྒོ་ནས་ཕབ་ཡོད་པས་ཁོང་གིས་སུ་ལ་ཞུ་གཏུག་བྱེད་དགོས་ཞེས་ཡིད་སྐྱོ་ཞིང་ཡི་མུག་པའི་དྲི་བ་ཞིག་དྲིས་བྱུང་། ཁོང་གིས་སྐད་འཕྲིན་ནང་བཞག་པའི་སྐད་ངག་ལས་ངས་ཕ་ཞིག་གིས་རང་གི་བུ་མོར་བཅིངས་པའི་བརྩེ་སེམས་དང་། བཙན་གཡེམ་བྱེད་མཁན་ལ་སྐྱེས་པའི་ཞེ་སྡང་། ལྷག་པར་དུ་སློབ་གྲྭ་དང་སྲིད་
ཉེས་ཁྲིམས་ཀྱི་ནང་དུ་ཅོ་འདྲི་ཟིང་སློང་ངམ་སྙེད་འཚོལ་འཁྲུག་སློང་གི་ཉེས་སྤྱོད་(寻衅滋事罪)ཅེས་པའི་ཉེས་མིང་ཞིག་ཡོད་པ་དང་། འདིར་ཉེས་མིང་དེ་བསྡུས་ཏེ་ཅོ་ཉེས་ཞེས་བརྗོད་རྒྱུ་ཡིན། ཅོ་ཉེས་ཀྱི་རྐྱེན་གྱིས་ཉེས་འགན་བདའ་འདེད་ཐེབས་པ་དང་བཙོན་ཁང་ལ་ལྷུང་བའི་མི་ཤིན་ཏུ་མང་། མི་དེ་དག་གི་ནང་ན་ཉེས་ཆད་ཕོག་འོས་པའི་མི་ངན་ཡོད་ལ་ཉེས་ཆད་རྩ་་བ་ཉིད་ནས་བཅད་ན་མི་འགྲིག་པའི་མི་བཟང་ཉེས་མེད་ཅན་ཡང་མང་། ཉེ་སྔོན་མགོ་ལོག་ཁུལ་དགའ་བདེ་རྫོང་ཁྲིམས་ཁང་གིས་ཉེས་མིང་འདི་ལ་བརྟེན་ནས་རྨ་ཆེན་རྫོང་གི་ལྐོག་ཟ་རུལ་སུངས་ཀྱི་གནད་དོན་སུན་འབྱིན་ཐེར་འདོན་བྱེད་མཁན་ཨ་ཉ་སེང་སྒྲ་དང་འབྲེལ་ཐོགས་ཀྱི་མི་བརྒྱད་ལ་ལོ་བདུན་ལ་སོགས་པའི་བཙོན་འཇུག་གི་ཉེས་ཆད་བཅད་པ་ལྟ་བུ་ནི་ཉེས་པ་མེད་པར་ཉེས་མིང་འདི་ལ་བརྟེན་ནས་ཉེས་འཛུགས་ཐེབས་ཏེ་ཉེས་ཆད་ཕོག་པའི་སྤྱི་དམངས་ཡིན། ཅོ་ཉེས་ལ་མཚན་ཉིད་མི་གསལ་ཞིང་ངོ་ཏིའི་ཁྱབ་ཆེ་བ། ཉེས་ཆད་ལྗིད་དྲགས་པ། སྲིད་གཞུང་གིས་ཅོ་ཉེས་ལོག་སྤྱོད་བྱས་ཏེ་གཞུང་དང་དྲེགས་ཅན་དང་རྒྱུ་ཆེན་སོགས་ལ་མི་མཐུན་པའི་བསམ་འཆར་བཤད་པའི་སྤྱི་དམངས་
རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ལྷན་ཁང་ལ། ཆེད་དུ་ཞུ་རྒྱུར། ཏོག་དབྱིབས་ནད་ཡམས་འཇགས་པ་དང་སྦྲགས་རྒྱལ་ཡོངས་ཀྱི་སློབ་གྲྭ་ཆེ་འབྲིང་ཁག་གིས་ཀྱང་སློབ་ཁྲིད་བྱེད་པའི་འགོ་བརྩམས། འོན་ཀྱང་བོད་ཁུལ་གྱི་ས་ཆ་ལ་ལའི་སློབ་གསོ་ལས་ཁུངས་ཀྱིས་རྩ་ཁྲིམས་དང་ཁྲིམས་ལུགས་ལ་འགལ་བའི་སློབ་གསོའི་སྒྲིག་སྲོལ་བཅས་ཏེ་ལག་བསྟར་བྱ་འཆར་འདུག་ཅིང་། ཉེ་ཆར་རྔ་བ་ཁུལ་སློབ་གསོ་ལས་ཁུངས་ཀྱིས་སློབ་གསོའི་ཚོགས་འདུ་ཞིག་བསྐངས་ཏེ་༢༠༢༠་ལོའི་ལོ་མཇུག་ནས་བཟུང་ཁུལ་དེའི་བོད་རིགས་སློབ་མ་གཙོ་བོ་ཡིན་པའི་སློབ་གྲྭ་ཆུང་འབྲིང་ཁག་ཏུ་བོད་སྐད་ཡིག་མ་གཏོགས་སློབ་ཚན་གཞན་ཐམས་ཅད་རྒྱའི་སྐད་ཡིག་གིས་སློབ་ཁྲིད་བྱེད་པའི་སློབ་ཁྲིད་ཐབས་ལམ་གཉིས་པ་བསྟེན་དགོས་ཞེས་ཚོགས་ཞུགས་དགེ་རྒན་རྣམས་ལ་བཀའ་ཞིག་བསྒྲགས། གནས་ཚུལ་དེ་ཐོས་འཕྲལ་རྔ་བ་དང་བོད་ཀྱི་ས་ཁུལ་མང་པོའི་དགེ་སློབ་དང་མང་ཚོགས་ཀྱིས་དེ་ལ་མོས་མཐུན་མེད་པའི་རྣམ་འགྱུར་ཤུགས་དྲག་བསྟན། དྲ་ཐོག་ཏུ་དེའི་སྐོར་ལ་བཀྲམས་པའི་བསམ་ཚུལ་བསྡུ་ལེན་ཞིག་གི་ནང་དུ་མི་ཉིས་ཁྲི་བདུན་སྟོང་ཉིས་བརྒྱ་ལྷག་གིས་བོད་སྐད་ཡིག་གིས་སློབ་ཁྲིད་བྱེད་རྒྱུའི་སློབ་ཁྲིད་ཐབས་ལམ་དང་པོ་ལ་རྒྱབ་སྐྱོར་གྱི་འོས་ཤོག་འཕངས་འདུག་ཅིང་། མི་སུམ་བརྒྱ་ཙམ་གྱིས་དེ་ལ་ངོ་རྒོལ་གྱི་འོས་ཤོག་འཕངས་འདུག་པའི་འབྲས་བུ་ཐོན། དེས་ཀྱང་མང་ཚོགས་རྣམས་ཀྱིས་སློབ་ཁྲིད་ཐབས་ལམ་དང་པོ་ལ་མངོན་པར་འདོད་པ་མཚོན་ཐུབ།
ཁང་ཁྱིམ་གྱི་ཐོབ་ཐང་ནི་རྩ་ཁྲིམས་ཀྱིས་བཅས་པའི་སྤྱི་དམངས་ཀྱི་གཞི་རྩའི་ཐོབ་ཐང་ཞིག་ཏུ་གྲུབ་པས་རྒྱལ་ཁབ་མང་ཆེ་བས་ཁྲིམས་སུ་བཅོས་ཏེ་ཐོབ་ཐང་དེ་ལ་སྲུང་སྐྱོབ་བྱེད་ཅིང་། ལྷག་པར་དུ་ཁྲིམས་སྐྱོང་གི་ཆུ་ཚད་དང་ལག་ལེན་བཟང་པོ་ཡོད་པའི་རྒྱལ་ཁབ་དག་གི་སྲིད་གཞུང་གིས་དེའི་སྤྱི་དམངས་ཀྱི་ཁང་ཁྱིམ་ནི་སྤྱི་དམངས་ཀྱི་བཙན་རྫོང་ལྟར་བརྩིས་ནས་རང་དགར་དེའི་ནང་དུ་མི་འཛུལ་བའི་གོམས་གཤིས་དང་ལག་ལེན་ཞིག་ཏུ་ཆགས དབྱིན་ཇིའི་རྒྱལ་ཁབ་ལྟར་བུར་མཚོན་ན་དུས་རབས་བཅོ་བརྒྱད་པ་ནས་བཟུང་སྟེ་ཡུལ་མི་ཕལ་བ་ཞིག་གི་ཁྱིམ་ཤག་ཏུ་རྒྱལ་པོའི་དམག་ཡིན་ཡང་རང་དགར་འཛུལ་མི་ཆོག་པའི་གཏམ་དཔེ་བྱུང་ཡོད་། དེའི་ཕྱིར་ཁང་ཁྱིམ་དང་བསྡོད་གནས་བདེ་འཇགས་ཀྱི་ཐོབ་ཐང་(居住安宁权)ནི་སྤྱི་དམངས་ཤིག་ལ་མཚོན་ན་ཤིན་ཏུ་གལ་ཆེ་ཞིང་མེད་དུ་མི་རུང་བའི་ཐོབ་ཐང་ཞིག་ཡིན།