༄༅།། བཀུར་འོས་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་དྲུང་དུ། རྒྱལ་སྲིད་སྤྱི་ཁྱབ་ཁང་གིས་༢༠༡༠་ལོར་༼༢༠༡༠་ནས་༢༠༢༠་བར་གྱི་རྒྱལ་ཁབ་ཀྱི་འཕྲལ་དང་ཡུན་གྱི་སློབ་གསོ་བཅོས་བསྒྱུར་དར་སྤེལ་བཀོད་འདོམས་རྩ་འཛིན་༽བསྡུས་མིང་ལ་༼རྒྱལ་ཁབ་སློབ་གསོ་རྩ་འཛིན་༽ཞེས་པའི་སྲིད་འཛིན་ཡིག་ཆ་ཞིག་གཏན་འཁེལ་དང་ལག་བསྟར་བྱས་པ་ནས་བཟུང་།

尊敬的全国人大常委会：          国务院自2010年公布《国家中长期教育改革和发展规划纲要（2010-2020年）》（以下简称《国家教育纲要》）后，各地政府纷纷上行下效，制订不同的实施细则来贯彻执行这个纲要。然而，西藏自治区和青海省政府的教育机构断章取义《国家教育纲要》的规定，不顾民族区域自治制度的法律法规和自治地区的实际情况，不调查自治地区人民群众的意见，不向地方人大和常委会询问和提出建议，自行制定规章制度来干涉自治地方的立法权限，插手少数民族的教育自治领域，擅自制定与国家宪法和民族区域自治法以及地方自治条例和语言文字工作条例相违背的方针政策。这不仅明确损害法治原则，而且切实地伤害和正在伤害自治地方的、尤其是少数民族的家庭权利和婴幼儿健康成长的权利。

༼རྨ་ལྷོ་བོད་རིགས་རང་སྐྱོང་ཁུལ་བོད་ཀྱི་སྐད་ཡིག་བྱ་བའི་སྲོལ་ཡིག༽་ཅེས་བྱ་བ་ནི་རྨ་ལྷོ་བོད་རིགས་རང་སྐྱོང་ཁུལ་གྱི་ཁྲིམས་བཟོ་ལས་ཁུངས་ཀྱིས་རྨ་ལྷོ་ནས་བོད་སྐད་ཡིག་གི་བེད་སྤྱོད་དར་སྤེལ་གྱི་ཐད་ལ་བཟོས་བའི་ཡུལ་ཁྲིམས་ཞིག་ཡིན། ཁྲིམས་དེ་ནི་༡༩༩༣་ལོར་སྐབས་བཅུ་བའི་རྨ་ལྷོ་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྟེང་དུ་གཏན་ལ་ཕབ་ཅིང་། ལོ་དེའི་ཟླ་༩་བ་ནང་དུ་མཚོ་སྔོན་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཆོག་མཆན་ཐོབ་རྗེས། ༡༩༩༤་ལོ་ཟླ་༡་ནས་བཟུང་ལག་བསྟར་བྱས་བའི་ཡུལ་ཁྲིམས་ཞིག་རེད།

རྒྱལ་ཁབ་ཀྱི་རྩ་ཁྲིམས་དང་ཁྲིམས་བཟོ་བ་བའི་ཁྲིམས་སོགས་ཀྱི་ཤེས་བྱ་ཚངས་ཐིགས་བྱས་ཏེ་མཚོ་སྔོན་ཞིང་ཆེན་ན་ཡོད་པའི་རང་སྐྱོང་ཁུལ་དྲུག་སྟེ་མགོ་ལོག རྨ་ལྷོ། ཡུལ་ཤུལ། མཚོ་ནུབ། མཚོ་ལྷོ་དང་མཚོ་བྱང་བཅས་ཀྱི་སློབ་གསོ་དང་རིག་གནས་སོགས་ཀྱི་རང་སྐྱོང་ཡུལ་ཁྲིམས་ཀྱི་ཁྲིམས་བཟོའི་ཆུ་ཚད་དང་གནས་བབ་སོགས་ལ་བརྟག་དཔྱད་བྱས་དུས་གནད་དོན་མི་ཉུང་བ་ཞིག་མཐོང་། ༡༩༨༤ལོར་རྒྱལ་ཁབ་ཀྱི་མི་རིགས་ས་གནས་རང་སྐྱོང་གི་ཁྲིམས་སྤེལ་བ་རེད། དེའི་རྗེས་སུ་ཁྲིམས་བཟོ་ཆུ་ཚད་བཟང་ངན་ལ་མ་ལྟོས་བར་མི་རིགས་ས་ཁུལ་ནས་ས་གནས་རང་སྐྱོང་དང་རིག་གནས་སློབ་གསོ་ལས་དོན་རང་སྐྱོང་བཅས་ཀྱི་ལས་དོན་ལ་ཁྲིམས་བཟོ་བའི་ཚ་རླབས་འཕྱུར། མཚོ་ལྷོ་བོད་རིགས་རང་སྐྱོང་ཁུལ་གྱིས་༡༩༨༧ལོར་རང་སྐྱོང་སྲོལ་ཡིག་སྤེལ་བ་དང་། རང་སྐྱོང་སྲོལ་ཡིག་ཅེས་བ་ནི་རང་སྐྱོང་ས་གནས་ཀྱི་རྩ་བའི་ཁྲིམས་ལྟ་བུའི་ཡུལ་ཁྲིམས་ཤིག་ཡིན། བཟོ་མཁན་ནི་རང་སྐྱོང་ཁུལ་གྱི་འཐུས་མི་ཚོགས་ཆེན་ཡིན་པ་དང་། རྒྱལ་ཁབ་ཡོངས་སུ་རྩ་ཁྲིམས་ཀྱི་དབང་ཚད་ཀྱིས་ཁྱབ་ཡོད་པ་ཇི་བཞིན་རང་སྐྱོང་ཁུལ་གྱི་རང་སྐྱོང་སྲོལ་ཡིག་གིས་སོ་སོས་དབང་འཛིན་པའི་ས་ཁུལ་ཡོངས་ལ་ཡུལ་ཁྲིམས་ཀྱིས་དབང་ཚད་ཀྱིས་ཁྱབ་ནས་བསྡད་དགོས་བ་ཞིག་ཡིན་དགོས།

གཤམ་གྱི་རྩོམ་ཡིག་དང་སྒྲ་ཐག་འདིའི་ནང་དུ་བོད་སྐད་ཡིག་གི་ཁྲིམས་བཟོ་དང་། ཁྲིམས་ཀྱི་ལམ་ནས་བོད་སྐད་ཡིག་གི་ཐོབ་ཐང་བརྩོན་ལེན་ཇི་ལྟར་བྱེད་དགོས་བའི་ཐབས་ལམ་ཆེ་ལོང་ཙམ་བརྗོད་ཡོད་པ་གསན་གཟིགས་གནང་བར་འཚལ། ༢༠༡༠་ལོར་རེབ་གོང་དང་ཆབ་ཆ་སོགས་ནས་བོད་སྐད་ཡིག་གི་བཀོད་སྤྱོད་དང་དར་སྤེལ་གྱི་ཐོབ་ཐང་གི་ཆེད་དུ་དགེ་སློབ་ཚོས་སྐད་འབོད་དང་ཁྲོམ་སྐོར་བྱས་ཏེ་མཚོ་སྔོན་ཞིང་ཆེན་སྲིད་གཞུང་གི་སློབ་གསོ་ལས་ཁུངས་ཀྱི་བོད་སྐད་ཡིག་རྩ་མེད་དུ་བཟོ་བའི་ནོར་འཁྲུལ་གྱི་སྲིད་འཛིན་ཡིག་ཆ་ལ་དཔའ་མཛངས་ལྡན་པའི་ངོ་རྒོལ་བྱས་མཐར། མཚོ་སྔོན་ཞིང་ཆེན་སྲིད་གཞུང་ནས་འཛིན་སྐྱོང་གི་སྲིད་བྱུས་དེ་ཕྱིར་འཐེན་བྱས། ཡིན་ནའང་བ་མ་ཤི་རྙང་མའི་རྒྱུན་མི་ཆད་ཟེར་བ་ལྟར་ད་ལོའི་ཟླ་དྲུག་པའི་ཡས་མས་སུ་གྲོང་ཁྱེར་ལྷ་ས་སྲིད་གཞུང་གི་སློབ་གསོ་ལས་ཁུངས་ཀྱིས་ཡང་ངེས་ཅན་གྱི་གོ་རིམ་དང་ས་གནས་ཁྲིམས་བཟོ་མ་བརྒྱུད་པར་སློབ་ཆུང་སློབ་མའི་རྩིས་རིག་གི་ཁྲིད་གཞི་སོགས་རྒྱ་ཡིག་ལ་བཙན་ཏུ་བསྒྱུར། དེར་བོད་ལྗོངས་ཀྱི་ཁྲིམས་འཛིན་ལས་བྱེད་པ་བདེ་ཁང་བྱམས་པ་སོགས་ཀྱིས་ངོ་རྒོལ་བྱས་ཏེ་བོད་རང་སྐྱོང་སྲིད་གཞུང་ལ་སུན་འབྱིན་ཡི་གེ་ཞིག་ཕུལ་ཡོད་མོད། མཚོ་སྔོན་ལྟ་བུའི་ངོ་རྒོལ་ཤུགས་ཆེན་བྱས་མེད་སྟབས། སྲིད་བྱུས་དེ་ལ་འགྱུར་བ་གཏོང་རྒྱུའི་སྐོར་མིག་སྔར་བྱུང་ཐུབ་མེད་པ་འདྲ། བོད་རང་སྐྱོང་ལྗོངས་ཀྱི་སློབ་གསོ་ལས་ཁང་གིས་འཕྲད་དུ་གསར་ལམ་བརྒྱུད་ནས་བདེ་ཁང་བྱམས་པ་ཡི་སུན་འབྱིན་ལ་རྩ་ཁྲིམས་དང་འབྲེལ་ཡོད་ཀྱི་ཁྲིམས་སྒྲུབ་བྱེད་ཏུ་བཀོལ་ནས་ལན་ཞིག་བཏབ་ཏེ་ལྷ་སའི་སློབ་གསོ་ལས་ཁུངས་ཀྱི་སྲིད་བྱུས་ཡང་དག་ཡིན་ཚུལ་བརྗོད་འདུག དེས་ན་དོན་རྐྱེན་འདི་ཕུགས་ཀྱི་་འབྲེལ་ཡོད་ཁྲིམས་ལུགས་དང་སྲིད་བྱུས་ཀྱི་སྐོར་ལ་ངོ་སྤྲོད་ཆེ་ལོང་ཙམ་བྱས་ཏེ། བོད་རིགས་ཤེས་ཡོན་པ་རྣམས་ཀྱིས་རྒྱལ་ཁབ་ཀྱི་ཁྲིམས་དང་སོ་སོ་ས་ཁུལ་གྱི་ཡུལ་ཁྲིམས་ལ་བརྟེན་ནས་བོད་སྐད་ཡིག་གི་བཀོལ་སྤྱོད་དང་དར་སྤེལ་གྱི་ཐོབ་ཐང་ལ་གཡག་རྔ་ལྟར་སྲུང་དགོས་ལ། ཡུལ་ཁྲིམས་བཤིག་པའི་ཁྲིམས་བརྒལ་སྲིད་བྱུས་ལ་འཐབ་འཛིང་ལྷོད་ཡངས་མེད་པར་གནང་དགོས།