ཁྲིམས་རིག་རླུང་འཕྲིན།
སྒྲ་མཛོད་འདིའི་ནང་དུ་རྒྱ་ནག་རྒྱལ་ཁབ་ཀྱི་ཁྲིམས་ཀྱི་ལོ་རྒྱུས་དང་། ད་ལྟ་བེད་སྤྱོད་བྱེད་བཞིན་པའི་ཁྲིམས་ལུགས། བོད་ཁམས་ནས་བཟོས་བའི་ཡུལ་ཁྲིམས་སོགས་མཚམས་སྦྱོར་དང་འགྲེལ་བརྗོད་བྱེད་གིན་ཡིན། གསན་མཁན་རྣམ་པས་དུས་ལྟར་གསན་པར་དགའ་བསུ་ཞུ། ལེའུ་ཚན་འདི་བརྒྱུད་ནས་ཁྲིམས་ལུགས་ཐད་ཀྱི་བསམ་འཆར་དང་ཐབས་ལམ་སོགས་བརྗེ་རེས་བྱས་ཏེ། ཁྲིམས་ཤེས་བར་འདོད་པ་རྣམས་ལ་ཁྲིམས་ཀྱི་རྒྱུན་ཤེས་སྤེལ་བ་དང་། རྒྱ་ཆེ་བོད་རིགས་སྤུན་ཟླ་རྣམས་ལ་ཁྲིམས་ལུགས་ཤེས་བྱ་ཡིས་གང་ལ་གང་འཚམས་ཀྱི་་ཕན་ཐོགས་ཡོང་པར་སྨོན་ཞེས་ཁྲིམས་གླེང་ནས་སྤེལ།
༡༽ མཚམས་སྦྱོར། གནའ་རབས་རྒྱ་ནག་གི་འཛིན་སྐྱོང་དང་ཁྲིམས་ལུགས་ཀྱི་སྲོལ་རྒྱུན་རགས་ཙམ་བཤད་པ།
སྐད་འཕྲིན་སྟེང་ནས་གསན་རོགས་མཛོད།
༢༽ རྩ་ཁྲིམས་ཀྱི་ལོ་རྒྱུས་མདོར་བསྡུས། རྒྱ་ནག་གི་རྩ་ཁྲིམས་ཀྱི་བྱུང་རབས་དང་། རྩ་ཁྲིམས་ཀྱི་ནང་དོན། བཟོ་བཅོས་སྐོར་མདོར་བསྡུས་ཙམ་བཤད་པ། དེ་ནས་སྲིད་ཇུས་དང་ཁྲིམས་ལུགས་ཀྱི་འབྲེལ་བའང་ཅུང་ཟད་བཤད་ཡོད།
སྐད་འཕྲིན་སྟེང་ནས་གསན་རོགས་མཛོད།
༣༽ རྒྱ་ནག་གི་ཉེས་དོན་གཏུག་བཤེར་གྱི་ཁྲིམས་ཀྱི་འགྲོ་སྟངས་དང་། བཀག་ཉར་དང་འཛིན་བཟུང་དང་ཁྲིམས་བཤེར་བཅས་ཀྱིས་བརྒྱུད་རིམ། དོ་བདག་ལ་ཡོད་པའི་ཐོབ་ཐང་། ཁྲིམས་ཁང་གོང་འོག་གི་བྱེད་ནུས་དང་རྒྱ་ནག་ཉེས་དོན་གཏུག་བཤེར་སོགས་ཀྱི་གནད་དོན་མདོར་བསྡུས་ཤིག་བཤད་ཡོད།
སྐད་འཕྲིན་སྟེང་ནས་གསན་རོགས་མཛོད།
༤༽ བཀག་ཉར་དང་འཛིན་བཟུང་གི་ཁྱད་པར། ཉེས་དོན་གཏུག་བཤེར་གྱི་ཁྲིམས་ཀྱི་ནང་གི་བཀག་ཉར་དང་འཛིན་བཟུང་དབར་གྱི་ཁྱད་པར་དང་རྣམ་པ། རྒྱ་ནག་གི་ཉེས་དོན་བརྒྱུད་རིམ་གྱི་ཁྲིམས་ཀྱི་ཁྱད་ཆོས། ཉེས་དོན་བརྒྱུད་རིམ་ཁྲོད་དུ་བཙན་ཤེད་ཀྱིས་རང་ཉིད་ནག་ཉེས་ཡིན་པའི་ངོས་ལེན་བྱེད་དུ་འཇུག་མི་ཆོག་པ་དང་། ཁྲིམས་མཐུན་མིན་པའི་དཔང་རྟགས་སུན་འབྱིན་བྱེད་དགོས་བ། རྒྱལ་ཁབ་བདེ་འཇགས་ཀྱི་ཉེས་མིང་འོག་ཉེས་འཛུགས་བྱེད་དུས་སོ་སོར་ཇི་ལྟར་སྲུང་སྐྱོབ་བྱེད་དགོས་བའི་སྐོར་མདོར་བསྡུས་ཙམ་བཤད་པ།
སྐད་འཕྲིན་སྟེང་ནས་གསན་རོགས་མཛོད།
༥༽ གྱོད་དཔེ་ཁག་ལ་རྟེན་ནས་ཁྲིམས་ལུགས་བཤད་པ། དེང་སྐབས་ཀྱི་གྲགས་ཆེ་བའི་ཉེས་དོན་གྱོད་གཞི་ཁག་ལ་དབྱེ་ཞིབ་བྱས་ནས། ཉེས་ཁྲིམས་དང་དེའི་གཏུག་བཤེར་བརྒྱུད་རིམ་ཁྲོད་ཀྱི་ཁྲིམས་ཁང་དང་གསར་ལམ་གྱི་འབྲེལ་བ། ཁྲིམས་བཟོ་དང་ཁྲིམས་འཛིན་རང་རྐྱ་ཐུབ་པའི་སྐོར་གྱི་གནས་ཚུལ་སོགས་མཚམས་སྦྱོར་བྱས་ཡོད།
སྐད་འཕྲིན་སྟེང་ནས་གསན་རོགས་མཛོད།
༦༽ རྒྱ་ནག་གི་གཏུག་བཤེར་གྱི་ཁྲིམས་ལུགས་དང་འཁོར་ཡུག་སྲུང་སྐྱོབ་ཀྱི་ཁྲིམས་ལུགས་ཀྱི་སྐོར། རྒྱ་ནག་གི་གཏུག་བཤེར་སྐོར་གྱི་ཁྲིམས་ལུགས་གསུམ་དང་། འཁོར་ཡུག་སྲུང་སྐྱོབ་སྐོར་གྱི་ཁྲིམས། འཛིན་སྐྱོང་གི་སྐོར་གྱི་ཁྲིམས། ལམ་ཡིག་གི་སྐོར་གྱི་ཁྲིམས་སོགས་མདོར་ཙམ་བཤད་ཡོད།